PATULAN

Patulan. Sana'y patulan
Ang pusong nanahan
Na sa iyo kailanman
Ay hindi nagkulang.

Patulan mo naman
Bawat pangangailangan
Nang hindi na maghabulan
Di na mag bulag-bulagan

Akong dating kasintahan
Nawa'y hayaan
Sa tanging kahilingang
Pawiin ang kalungkutan

Oras ako'y iyong bigyan
Wag sanang pagkaitan
Iyong dating tampuhan
Ng sintang walang hanggan

Kung ito ang kalagayan
Na makamit ang kalayaan
Ay hindi na lamang
Aasam pa ng katiwasayan

Minsan ang kaginhawahan
Ay mapait na larawan
Sadyang di maintindihan
Ang takbo ng kapalaran

Hindi ko na nasundan
Ang nais na ipaalam
Ang tanging punto lang
Ikaw ay mapagsabihan

Nang manalo ako sa hulaan
Ay di na maparaanan
Na ikaw pa'y pagkatiwalaan
At mahalin nang walang hanggan

Ako na lumaban
Para sa pagmamahalan
Bakit ako ang nawalan
At ikaw pa ang pinanghinaan

Patuloy mo mang saktan
Patuloy ako sa katangahan
Na kahit kunwa-kunwarian
Ay muli mong papatulan.