Ika-pitong segundo Mula nang pumasok ka sa buhay ko, Hagikgikang maigi Kwentuha't mga padali. Ika-pitong minuto Mula nang pumasok ka sa buhay ko, Iba-ibang katuwaan Sari-sari ang napag-usapan. Ika-pitong oras Mula nang ang pinto ko'y magbukas Yakap ay mahigpit Walang bumibitaw sa kapit. Ika-pitong araw Mula nang ikaw ay dumalaw Ikaw ang gumabay Habang ako'y malungkot at matamlay. Ika-pitong linggo Mula nang ating matanto Na tunay na ang damdamin Ikaw lang ang nais kapiling. Ika-pitong buwan Mula nang magmahalan May di man maiwasang sakit Yakap pari'y mahigpit. Ika-pitong taon Mula nang ako'y matunton Siguradong ikaw parin Ang laging mamahalin Ika-pitong susunod na buhay Simula nang hapong tumagay Pipiliin lagi ay ikaw Sayo laging nakatanaw. Hanggang pitong salinlahi, Hinding-hindi mapapawi Pitong libong pag-ibig Hinding-hindi padadaig. {CXC | c2140.092721 }