Skip to main content

ISANG MALAKING BIRO

Sa araw-araw na tayo'y magkasama
Isang libo't isang daang pangako't salita
Sa bawat pagbigkas ng labi mong matatas
Ay kaakibat ang pag-usbong ng pag-asa ko pataas.

Habang tumatagal ay naiipon na
Ang mga sinabi mong gagawin natin tuwina.
Ngunit ilan sa mga iyon ang natupad mo na?
'Sindami ng buto ngunit sa daliri'y bilang na.

"Ako'y laging nand'yan" ang madalas mong sambit
Ngunit bakit laging may paumanhing nakasabit?
Bakit sa tuwing sinasabing handa ka nang makinig
Sa atensyon mo pari'y laging may kahati?

Patawad kung ngayon ako'y nanlalamig
Nawala na ang dating mainit na pag-ibig
Ang inakala ko kasing matamis na himig
Ay isa na palang pagsintang sa luha'y tigib.

Kung maaari lang na ako'y umatras
Sa relasyong itong nakasisira ng lakas.
Ngunit diba ito ay hindi lamang isang larong marahas
Kundi isang pagmamahalang kailangan ng simpatiya at oras.

Tama pa bang manatili ako rito?
Masaya pa nga ba ako o guni-guni ko na lamang ito?
Kailan kaya darating sa'kin ang sayang totoo
At lulubayan ng isang malaking biro?

(10/17)
Labels:

Comments

Post a Comment

Popular posts from this blog

∞

Walong buwan na ang nagdaan Nang ang isa't isa'y matagpuan. Nagkapakiramdaman, Iba na pala ang tinginan, Salitaang may laman. Minsan masaya, minsan magulo. Minsa'y kailangan manuyo. May sigawan man o tampo, Nakararaos kahit papaano, Palagi pa ring kuntento. Sabi nila'y "H'wag ka-seryoso, Iilang buwan pa lamang kayo. Madali pa ang mga ito Kumpara sa relasyong totoo." Ngunit sinong may sabing 'di tunay 'to? Kahit na anong iksi Hindi masasabing madali Ang magtiwala at mamili Na dito ay manatili Subalit dito'y walang pagsisisi. Kaya't laging ang sagot Sa tanong na nahahakot "Hindi man tiyak ang aking madampot Asahan mong wala akong takot Dahil sya lang ang pumapawi ng aking lungkot." Tulad ng lagi mong sabi, Mahal din kita palagi. Habang ikaw pa ang nandito, Mahal kitang totoo. Hanggang sa dulo, ako'y sa'yo. {CXC P4 | 052722 | 2126H}
Post a Comment
Read more

Una, Ngayon, at Wakas

Dito magsimula kung saan nawala Ang bawat takot at mga pangamba. Dito magsimula kung saan natapos Ang dalamhating mula sa pagkakagapos. Dito mag-umpisa kung saan nagwakas Ang matatalim na salitang parating nabibigkas. Dito mag-umpisa kung saan naputol Ang mga pagdududa at maling hatol. Ngayon na nga natapos ang paghihikahos Kung kailan inumpisahang ako'y isaalang-alang Ngayon na nga nawala ang pagtataka Nang ako ay iyong lingunin at saka kinilala. At ngayon ay sigurado nang ang dulo Ang magiging hudyat ng pagbabago. At ang pinakatatanging umpisa Ay katapusan na ng pagdurusa. [080321  |  0327]
Post a Comment
Read more

Paglisan

Yakaping mahigpit At manatiling saglit Bago mawalang lahat ng kapit At sa'king piling ika'y mawaglit. Inialay nang lahat ng kaya Labis-labis na nga kung susumahin pa Subalit pangita sa'yong mga mata Ang pagkawala ng respeto at gana. Ngunit siguro'y minsan Mahirap din ngang punan Ang matagal nang walang laman O sa kahit kaila'y walang nanahan. Sadya yatang ang buhay Ang bukod-tanging patunay Na may dumarating nga'y Mayroon pa ring hihimlay Tunay na ngang pagal Sa paghintay nang kay tagal Walang nagawa ang mga dasal Sinaulo man at inaral Una palang, akin nang alam Ang hahantunga'y pamamaalam Sa sintang inasam, Sa mga sandaling hiniram. Ikaw ay akin nang lilisanin Paalam sa maaamo mong tingin Sa pagsuyo mong bitin Na kaysa wala ay inam na rin.
Post a Comment
Read more